وصفة لخنة نابلسية وصاجية باللحمة

   
اول شي ببنقع قطع اللحمة باللبن والخل وشوية زيت حوالي ٤ او ٦ ساعات
بتجيبي صاج او مقلاية بتسيحي فيه سمنه او زيت ذرة او قطع من لية الخروف كتير طيبة وما فيها كلوسترول ما تردوا على حدا الكلوسترول موجود بالزيوت المهدرجة مش بدهن الخروف ،طبعا حسب الرغبة مقدار معلقتين كبار بتضيفي حبتين بصل مقطعة مكعبات
وبتقلبيها منيح بتضيفي قطع اللحمة المقطعة مكعبات وبتقلبيهم ع نار هادية وبتضيفي الملح والبهارات المشكلة وبتغطي الصاجة وبتتركيها ع نار هادية مع التقليب من حين لاخر وهون في ملاحظة انه اللحمة الفليه بتستوي بسرعة خصوصا انها منقوعة بالخل واللبن
بتضيفي قطع الفليفلة الملونة وبتقلبي بهدووء لحتى تتذبل الفليفلة وبتقلبي وبترجعي تغطيها لحد ما تتنشف نوعا ما اما اللخنة او ورق البروكلي بتغسلي الورق وبتسلقيه زي الدوالي لكن الحشوة تختلف
انا بحشيه برغل خشن منقوع ومصفى وبفرم معه بصلة ناعمة وحبة بندورة برضو ناهمة وحبة فليفلة وبحط شوية نعنع ناشف ومعلقة دبس رمان حسب الرغبة وفنجان زيت زيتون ورشة ملح وفلفل اسود ورشة بهارات مشكلة وبنحشيهم متل الدوالي .وبحط شرايح بندورة بقاع الطنجرة
وبصف حبات اللخنة الملفوفة وبحط فوقهم شرايح بندورة ورشة ملح ورشة زيت وكم سن توم وبطبخهم على نار هادية متل الدوالي تماما وصحة وهنا #صاجية ولخنة او ورق بروكلي ام نضال