وصفة مطبق زعتر فلسطيني

   
طريقة العجينة : 
اول شي بتحطي كوبين طحين /3ملاعق كبيرة سكر /٢ م. ك خميرة فورية /كوبين ماء دافئ مائل للسخونة شوي بخلطهم سوى منيح بملعقة الخشب او السيليكون لحتى تذوب المكونات تماما او بتقدري تخلطيهم بالبليندار عادي ع الجهتين بصير  بس تخلطهم
بتغطيهم ١٠ د وبعد العشر دقائق راح تشوفي انو زاد حجمها يعني خمرت وطلع عليها فقاعات
برجع بضيف عليها ٣ كاسات طحين وم. ص ملح ونص كوب زيت (بخلط نباتي مع زيت زيتون)
وبعجنهم بملعقة الخشب بعدين بايدي اسهلي وبس تخلصي عجن مباشرة بتدهني وجهها بزيت الزيتون وغطيها وهيك بتكون جهزت العجينة.
للزعتر الأخضر :
كوب وربع زيت زيتون
حبتين بصل مفرومين ناعم
نصف قرن فلفل حار حسب الرغبة
(٧٠٠غرام )زعتر أخضر مغسول ومقطع يعني افرمي فرمة ع الخلاط ازكى وبطرى بالزيت اكتر
١م.ك سماق
عصير ليمونة صغيرة
ربع ملعقة صغيرة شطة مجروشة(حسب الرغبة )
ملح حسب الرغبة
لتطبيق المطبق بتحتاجي لكوب الا ربع زيت زيتون .
لتحضير الزعتر ..في طنجرة ع النار نضع زيت الزيتون والبصل نحركهم سوية ونضع رشة ملح بالبداية هذا يسرع في دبلان البصل 
نضع الفلفل الحار 
نضع الزعتر ثم نضع السماق وعصير الليمون والملح والشطة ونحركهم سوية الى أن يطرى الزعتر تقريبا ثلث ساعه ع نار وسط وهيك بكون عنا جاهز الزعتر .
نقطع العجينة الى كرات كبيرة بمقدار راحة اليد وندهنها بزيت الزيتون ونغطيها بنايلون ونتركها ترتاح نصف ساعه 
عندما ترتاح ندهن مكان رق العجينة بزيت الزيتون ثم نفرد كرة العجين بشكل مستطيل تقريبا حتطلع معاكي رقيقة جدا لدرجة انها بتخايل شوي 😂
ثم ندهن العجينة بيدنا قليل من زيت الزيتون ثم نرش كمية من الزعتر ليس كثيرا .
ثم نطويها من ناحية الضلع الاطول للمستطيل وندهن الطية بالزيت 
ثم نرش زعتر ثم نطويها من الضلع الاطول الثاني وندهنها بالزيت ونرش قليل من الزعتر ثم نطويها من جهة اليمين الضلع القصير 
وندهنها بالزيت ونضع قليل من الزعتر ثم من الجهة الثانية ثم فقط ندهنها بالزيت ثم نكرر هذه الطريقة لجميع الكرات نغطيها بالنايلون ونتركها ترتاح ربع ساعه
ثم نرقها جيدا حتى تصبح رقيقة بشكل مستطيل او مربع حسب الرغبة وندهن كل قطعة بزيت الزيتون .
نضعها بفرن حامي حتى نحمرها وتستوي من الاسفل ثم نحمرها من الاعلى وصحتين والف هنا .