وصفة صفيحة شامية
Mariam Ramadan
:بواسطة
:بواسطة
"من الاكلات الشامية اليوم عملت صفيحة ع الصاجة طلعت بتشهي . بعجينة العشر دقايق ..ممممممممم"
| وقت الطهي: | نص ساعة |
| مدة التحضير: | ٢٠ دقيقة |
| تكفي : | ٦ حصص |
هذا إعلان
هذا إعلان
(المقادير) المكونات
- 5 كاسات طحين
- 3كاسات ماء دافي
- معلقة كبيرة خميرة
- معلقة كبيرة سكر
- فنجان لبن رايب
- رشة ملح
- معلقتين زيت زيتون
- مقادير الحشوة:
- كيلو لحمة مفرومة ناعمة
- 3 حبات بصل
- 3حبات بندورة
- معلقة معجون طماطم كبيرة
- معلقة دبس رمان كبيرة
- معلقة بابريكا كبيرة
- معلقة كبيرة زيت زيتون
- معلقة دبس فليفلة .وبامكانك الاستغناء عنه
- 4 فصوص ثوم
- معلقة ملح
- معلقة فلفل اسود
طريقة التحضير
- بالنسبة لعجينة العشر دقائق:
- بتحطي بوعاء كاسة ونص ماء دافي ومعلقة الخميرة ومعلقة السكر وبتذوبيهم منيح وبتضيفي كاستين طحين وبتخلطيهم منيح وبتتركيهم عشر دقائق ..
- بعدها بتضيفي اللبن ورشة الملح وبتضيفي كمان كاسة ونصف ماء وباقي الطحين وبتعجنيهم منيح وبتحطي ع الوجه معلقتين زيت وبتخلطيهم منيح
- بتفردي قطعة قماش وبترشي عليها طحين وبتقطعي العجينة لكرات صغيرة وبتتركيها ترتاح لحتى تجهزي الحشوة
- تجهيز الحشوة:
- في محضرة الطعام بتفرمي البصل والتوم والبندورة وحبة فلفل حار او حلو حسب الرغبة لحتى يصيروا ناعمين
- بتحطيهم بوعاء وبتضيفي اللحمة وجميع المكونات المذكورة فوق ..بتقلبيهم ع النار لحتى تستوي اللحمة بترفعيها عن النار وبتضيفيلها حبتين بندورة مقطعة قطع صغيرة ..
- بتحطي صاجة تيفال على راس الغاز او مقلاة تيفال .بترقي كرة من العجين بشكل دائري حتى تصبح رقيقة نوعا ما
- بتحطيها ع الصاجة بحرارة متوسطة وبتفردي معلقتين كبيرتين من الخلطة فوق العجينة
- مجرد ما تحمر العجينة من تحت بترفعيها وبتحطيها على صينية وبتحطيها بالفرن تحت الشواية لحتى تستوي وهكذا حتى نفاذ الكمية والف
تقدم مع اللبن او التبولة
و صحة وهنا
#صفيحة ام نضال ❤❤