وصفة طريقة عمل القشطه ذات التكتلات اللذيذه متل المحلات تمام لحلاوة الجبن وحشو القطايف العصافيري

   
هاي القشطه بتنعمل عمرحلتين بتتضمن عمل القشطه الناعمه ومعاها القريشه ..
المرحله الاولى ...
بنغلي الحليب ولما يسخن كويس بنضيف الخل وبنستنى عليه ليفصل
وبنرفعه عن النار وبنحطه بمصفاه ..
وبنخليه يبرد ..  وبيصير عنا جبنه قريش
المرحله التانيه .. 
بنحط الحليب والطحين والسكر معا عالنار
ولما تغلي بنحط علبة القشطه وبنحركهم .. ونسكبهم بطبق
ونغطيه كويس ونستنى عليه ليبرد كمان
تحضير القشطه ...
بنخلط القريشه مع القشطه الناعمه سوا  لحتى نوصل للقوام اللي بدنا اياه
وبنضيف عليهم ملعقة كبيره ماء زهر وملعقه كبيره قطر وبنحركهم سوا ..
وبتصير جاهزه للاستعمال .. وصحه وهنا 😍