وصفة الكراوية

:بواسطة

"صباح الخييير و الرضا من عند رب العلمين بما انه الشتوية ما خلصت و اليوم في منخفض جديد .. فهاد معناته انه لازم ندفي حالنا منيح و ما في احلى و لا اطيب من انه ندفي حالنا بالاشياء الحلوة و الزاكية و خصوصا لما تكون سخنة 😋😋😋😋 انا الي فترة حابة اعمل كراوية بس ما كان عندي و كنت انسى اشتريها لما اطلع .. مبارح شفت صاحبتي و حبيبة قلبي بنان غرايبة منزلتها على صفحتها فتشجعت اعملها .. بس المشكلة لا تزال قائمة انه ما عندي كراوية .. تذكرت انه مرت اخوي بتحبها و بتعملها فقلت اسألها .. شو بدكم بطولة السيرة لقيت عندها والحمدلله .. طحنت كوب رز و بديت احضر باقي المقادير :"

وقت الطهي:	15 دقيقة
مدة التحضير:	5 دقائق
تكفي :	4 أشخاص

هذا إعلان

هذا إعلان

(المقادير) المكونات

1 كوب رز مطحون
4 معلقة كبيرة كراوية
1 معلقة كبيرة قرفة
1 كوب سكر (حسب الرغبة ممكن اكتر و ممكن اقل)
8-9 كوب ماء

طريقة التحضير

بحمص الكراوية عشان تطلع الزيوت اللي فيها و تعطينا طعم ازكى
بضيف كل المواد فوق بعض على البارد و بحركهم منيح
بحط الطنجرة على النار و بضل احرك فيها حتى تغلي و يستوي الرز
بسكب الكراوية في أكواب التقديم
بزينها بالمكسرات اللي بتحبيها .. لوز .. جوز .. فستق حلبي .. صنوبر
ممكن تتقدم سخنة و ممكن باردة

و صحتيييييين و عااااافية

التقييمات والتعليقات

لا يوجد تقييمات لهذه الوصفة، هل ترغب في تقييمها ؟ اضغط هنا

هذا إعلان

وصفات مقترحة

للمزيد