وصفة سباغيتي بكرات اللحم

   
لسلق المعكرنة: 
نحضر طنجرة ونضع بيها الماء المغلي الملح والزيت ونحركهم
ثم نضيف المعكرونة يجب ع المعكرونة ان تتغطى بالماء ونغطي الطنجرة على النار متوسطة مدة ٧دقائق حتى تستوي 
عندما تستوي نصفيها بمصفاة
ثم نضيف القليل من زيت الزيتون ونحركها او نقلبها من اعلى الى اسفل وهيه بالمصفاة وهيك بتكون جهزت .
لتحضير صوص المعكرونة: 
اول شي بطنجرة على نار هادئة بضيف الزيت والبصل بخلي على النار حتى يدبل
بعدين بضيف الطماطم والمعجون ورشة السكر  والثوم والملح والفلفل
بغطي الطنجرة وبخليهم نصف ساعة على نار متوسطة  حتى تستوي
وعندما يستوي الخليط  بخلطه على الخلاط حتى يصبح قوامو كريمي
بعدين برجعو للطنجرة وبخلي ١٠ دقائق على نار هادئة وبطفي النار وبضيف الاوريغانو والريحان وبخلطهم سوى وهيك جهز عندي الصوص
ولانه عندي معكرونة باخد من الصلصة اللي جهزتها كوب بضيف عليه نص كوب ماء و مكعب ماجي وبخلطهم سوى وبسكبهم على المعكرونة
بدك تضيفي فلفل حار هادا كلو حسب رغبتك
لتحضير اللحم: 
بجيب مكونات اللحم اللي فوق كلها بدون الطحين طبعا بحطها بالخلاط
بخلطهم على الناعم ووبلش اكور كرات صغيرة مناسبة وكل وحدة بغطيها بالطحين
وبعدين بقليها بزيت على نار هادئة حتى تستوي وتتحمر تقريبا بدها من ١٢د الى ربع ساعه .
ملاحظة: ازا بتحبي بتقدري تغطسي كرات اللحم بالصوص حتى ما تحسي انها ناشفة 💕
للتقديم نخلط الصوص مع المعكرونة ثم نضيف اللحم
وصحتين والف عافية .