وصفة ستيك اللحم

   
للستيك:
بننقع الستيك بالمي والخل لمدة ساعة حتى ينزل كل الدم اللي فيه ويصير لونه فاتح زي ما هو واضح بالصورة
بعدها بنصفي الستيك من المي والخل .
بنحط الستيك بوعاء وبنحط الملح والبهارات والزيت وبنخلطهم منيح .
بنجيب الصينية اللي بدنا نعمل فيها الستيك
بنقطع البصل لحلقات دائرية بنفرشهم بارض الصينية وبنقطع البندورة حلقات وبنحط فوق كل حلقة بصل حلقة بندورة 
وبعدين بنحط فوق كل حبة بندورة قطعة ستيك وبنحطها بالفرن بالرف اللي بالنص بدون ما نغطيها وبتركها لمدة ساعة مع تقليب قطع الستيك كل ربع ساعة لحتى تنشف المي ونحس الستيك تحمر واستوى ..
طبعا ما بنحط مي ابدا ،البندورة والبصل بيرخوا مي وبستوا الستيك
للبطاطا:
بنسلق البطاطا نسلق استوا وبنصفيها من المي تماما وبنحطها بصينية وبنحط معلقة زبدة كبيرة وبنحط رشة ملح ،رشة بابريكا ،رشة بهارات مشكلة ،رشة زعتر ناشف 
وبنخلطها منيح وبنحطها جنب صينية الستيك مكشوفة ايضا
للعجين:
بحط كل المواد المذكورة فوق وبعجنها بمي دافية لحتى احصل على عجينة متماسكة بغطيهم وبتركهم يختمروا
بعد ما تخمر العجينة بقطعها كرات متوسطة وبتركها نص ساعة .برقها بالشوبك وبغطيهم كمان نص ساعة ليرتاحوا
بخبزهم بفرن غاز المطبخ ع الشواية .ركزوا معي عشان ما اضل اشرح بالتعليقات لاني بنشر بكذا جروب ،بتعب والله
انا بشعل الشواية وبحط الشبك بمنتصف الفرن وبحط سدر المنيوم ع الشبك تحت الشواية وبتركه لحتى يحمى تماما حتى ما يلزق العجين
بحط ٣ ارغفة بالسدر وبس ينفخوا ويبلشوا يحمروا بديرهم وبس يحمروا بقلبهم وبحمر الوجه التاني وهكذا حتى انتهاء الكمية
وصحة وعوافي
#ستيك لحمة  ام نضال