وصفة معجنات جبنة وزعتر

   
بتجيبي وعاء بتحطي فيه كاسة ونص  حليب دافي وبتضيفي معلقة سكر ومعلقة خميرة وفنجان صغير زيت ذرة
في وعاء اخر بتحطي٤  كاسات  طحين  ومعلقة ملح وبتخلطيهم منيح 
وبتبلشي تضيفي خلطة الحليب والزيت وتعجني لحتى تصبح عندك عجينة متماسكة ولينة .
بدك تعجني هالعجينة بايدك مدة 4 دقايق .بعدين تغطيها بنايلون وتحطيها بمكان دافي لمدة ساعة حتى تختمر تماما
بعدها بتقطعي العجينة لكرات متوسطة وبتغطيهم وبتتركيهم كمان نص ساعة
بتفردي كل كرة على حدا  بحيث تكون بحجم الرغيف الكبير وبتقطعيهم زي البيتزا مثلثات 
وبتحشيهم قسم جبنة وقسم زعتر 
وبتبرميهم برم وبتصفيهم بصينية مدهونة زيت زيتون 
وبتدهنيهم لبن وخل مخلطين  وبتنثري فوقهم سمسم او حبة البركة او اي شي او ما بتحطي شي براحتك
وبتخبزيهم على حرارة 200
وصحة وهنا
#معجنات ...ام نضال