مهلبية قمر الدين و الكركديه

مشاركة من: Farah Masoud
Defaultimage.png Defaultimage.png Defaultimage.png Defaultimage.png Defaultimage.png Defaultimage.png
مدة الطهي مدة التحضير عدد الحصص
٧٠ دقيقة ٣٠ دقيقة خمس اشخاص

(المقادير) المكونات 

 
  • لطبقة قمر الدين:
    • كاسة عصير قمر الدين ثقيل
    • ملعقة صغيرة سكر حسب الرغبة
    • ملعقة كبيرة نشا
  • لطبقة المهلبية البيضة:
    • كاستين حليب كامل الدسم
    • ملعقتين كبار نشا
    • ملعقتين كبار سكر
    • نص ملعقة صغيرة ماء زهر
  • مهلبية الكركديه:
    • نص كاسة مية
    • نص كاسة عصير كركديه ثقيل 
    • ملعقة كبيرة نشا
    • ملعقتين كبار سكر
    • ربع ملعقة صغيرة ماء زهر حسب الرغبة

الطريقة

  1. لإعداد عصير قمر الدين:
    • ١٠٠ غم قمر الدين مقطع بتنقعيه بكاسة مية سخنة و بتضيفيله ملعقتين كبار سكر وبتتركيهم نص ساعة ليذوب بتحطيه بالخلاط
  2. للمهلبية:
    • بتخلطي على البارد كاسة عصير قمر الدين مع ملعقة كبيرة نشا 
    • بعدها على نار هادية مع التحريك المستمر لتغلي و تتكاثف 
    • بتوزعيها ب كاسات التقديم وبتدخليها التلاجة لتبرد و تتماسك
  3. المهلبية البيضة: 
    • بتخلطي كل المكونات ماعدا ماء زهر على البارد 
    • بعدها على نار هادية مع التحريك المستمر لتغلي و تتكاثف 
    • اخر شي يضاف ماء الزهر وبتوزعيها فوق طبقة قمر الدين و بتدخليهم التلاجة لتبرد وتتماسك
  4. لإعداد عصير الكركديه:
    • نص كاسة أوراق الكركديه بتنقيها وبتغسليها بتنقعيها بكاسة مية لمدة أربع ساعات
    • بتصفيها من الورق
  5. مهلبية الكركديه:
    • بتخلطي على البارد نص كاسة عصير كركديه مع نص كاسة مية و ملعقة كبيرة نشا و ملعقتين كبار سكر 
    • بعدها على الغاز مع التحريك المستمر لتغلي و تتكاثف 
    • اخر شي ماء زهر و بتوزعيها فوق المهلبية البيضة وبتدخليها التلاجة لتبرد