(المقادير) المكونات

 
للعجينة:
2 كوب طحين
1/2 كوب سكر بودرة
معلقة صغيرة فانيلا
125 غرام زبدة
بيضة
للتوفي
معلقتين كبار زبدة
كوب سكر ابيض او بني
معلقتين كبار قشطة
للزينه:
2 موز مقطع
مغلفين من كريمة الخفق
معلقتين كبار قشطة

الطريقة

1. اول شي بخلط البيضة مع السكر كتير منيح..
2. بعدين بضيف الزبدة والطحين.. وبعجنهم كلهم مع بعض(الزبدة لازم تكون جامدة)
3. بعد ما اعجنهم وتتجانس العجينه بتركهم ربع ساعه بالتلاجة لانه العجينة لازم تكون باردة لما اشتغل فيها..
4. بعدين بخفق الكريمة مع الحليب وبضيفلهم القشطة وبتركهم بالتلاجة..
5. بجيب العجينه وبحطهم بالقوالب لازم تكون طبقة رقيقه خصوصاً من القاعدة..
6. بعد ما احطهم بالصواني واشكلهم بغزهم بالشوكة من القاعدة حتى اتأكد انهم ما ينفشو..
7. بدخلهم الفرن على درجة180 لمدة 10 دقايق او لما اشوف انها فكت من القالب..
8. بطلعهم من القوالب وبحطهم فوق فوطة مطبخ جافة حتى ما يرطبو من تحت
9. بعدين بقطع الموز حلقات صغيرة..
10. وبحط بالتارت طبقة من الكريمة وفوقها الموز(بدهن الموز بليمون او قطر قبل ما استخدمه حتى ما يتغير لونه)
11. بعدين بدخلهم الفرن وبعمل التوفي..
12. التوفي : اول شي بحط السكر على نار هادية حتى يتكرمل وبحط الزبدة فوقيه.. لما تدوب الزبدة بطفي الغاز وبضيف القشطة..

بتركهم حتى يبردو بعدين بزين فيهم وجه التارت..

وصحتين🤭❣️❣️