(المقادير) المكونات
- دجاج ( حسب عدد الاشخاص).
- ارز ( حسب عدد الافراد ).
- بصل شرائح عدد ٢.
- ثوم مفروم ناعم عدد ٦ .... وحسب الرغبة والكمية .
- صوص بندورة بكيت .
- بندورة مفرومو ناعم ومقشرة عدد ٢ وطبعا مغسولة😀
- بهارات كبسة
- ملح
- قرفة عيدان
- كبش قرنقل للارز
- فلفل اسود.
- الدجاج :
- ملح
- فلفل اسود
- ليمون
- خل ابيض
- عصير ليمون
- ثوم مهروس
- زيت زيتون
- هيل مطحون
- معلقتبن كبار ممسوحين بهارات كبسة
- كاتشاب
- دبس رمان
- معلقتين لبن كلهم ع الخلاط
- وبنقع الدجاج فيها لمدة ٤ ساعات .
- بازيلاء وجزر مبروش
- لوز
الطريقة
- الكبسة ع طريقة ماما الله يرحمها ويغفرلها ويسكنها فسيح جنانه .
- بالنسبة للارز نغسله وننقعه لمدة نصف ساعة .
- الدجاج منظف ومغسول بنقعه ب:
- عصير ليمون + خل ابيض+ ثوم مهروس+ زيت زيتون + ملح + فلفل اسود + هيل مطحون + معلقتين كبار ممسوحين من نفس بهارات الكبسة + كاتشاب + دبس رمان+ معلقتين لبن .
- طبعاً بخلطهم ع الخلاط كلهم وبضيفهم ع الجاج .
- بنقعهم ٣ او ٤ ساعات وبعدين ب صينية وعلى الفرن بحط معها بصل شرائح وبطاطا .
- تحضير الارز :
- بصل شرائح مع شوية زيت بس يذبل البصل بحط الثوم المفروم ناعم ....
- وبحركهم منيح ...
- وبعد دقيقة بضيف معلقة ص. بهارات كبسة ... قرفة عيدان ...
- وبحركهم منيح بس تبلش ريحة المنكهات تطلع بضيف بندورة مقشرة ومفرومة ناعم ....
- بخليهم شوي وبعد هيك بضيف صوص البندورة بكيت تقريباً ....
- وبخليهم يغلوا ...
- ومع اول غلوة بضيف الارز .
- طبعاً الارز ( بكون حاطة عليه بهارات كبسة + ملح + فلفل اسود حسب الرغبة).
- وبظل ع الغاز ليستوي الارز .
- هلا بالنسبة للخلطة :
- بازيلاء وجزر وبصل .
- اول شي البصل بنذبله مع شوية زيت نباتي
- بعد هيك بضيف البازيلاء والجزر بتركهم ع الغاز لمدة تقريباً ١٠ دقائق
- بضيف ملح وفلفل حسب الرغبة وبضيف اضافة بسيطة بس كثير لذيذة من معلقة الى معلقتين كاتشاب.
وبزين الارز بخلطة البازيلاء والجزر واللوز المحمص.
صحتين وعافية .
دعواتكم لامي الله يرحمها.
