بيتزا بعجينة العشر دقايق

مشاركة من: Reham Alhindawi
php0mCWMk.jpeg php0mCWMk.jpeg
مدة الطهي مدة التحضير عدد الحصص
١٠ دقايق ساعه صينتين كبار

(المقادير) المكونات 

 
  • للعجينة:
    • ٥ اكواب طحين منخولين
    • كوبين مي دافية
    • رشة ملح
    • فنجان صغير سكر
    • معلقتين كبار خميرة فورية
    • نص كوب زيت
  • للبيتزا:
    • صلصة بيتزا
    • مشروم مقطع
    • هوت دوج مقطع
    • زيتون اسود
    • جبنة موزاريلا
    • فليفلة مقطعة شرائح

الطريقة

  1. عجينة العشر دقايق:
    • اول مرحلة: 
      • كوبين طحين منخولين
      • رشة ملح
      • معلقتين كبار خميرة فورية
      • فنجان صغير سكر
      • كوبين مي دافية
    • بنخلط المقادير مع بعض وبنتركهم عشر دقايق.
    • المرحلة التانية: 
      • ٣ اكواب طحين
      • نص كوب زيت (في ناس بتظيف كمان معلقتين حليب بس انا ما بضيفهم).
  2. بعد ما يمرق عشر دقايق بنضيف باقي كمية الطحين وبنعجن منيح 
  3. بعدين بنصير نضيف الزيت شوي شوي لتتشكل عنا عجينة طرية وما بتلزق 
  4. بعدها فينا نشتغل فيها مباشر او بنتركها ترتاح شي ربع ساعة وبنبلش بفردها.
  5. نفرد العجينة ونعمل ثقوم باستخدام الشوكة حتى تخرج الهواء وما تعمل فقعات عند الخبز.
  6. بنفرد الصلصة بشكل متساوي وبعدين بنحط المكونات اللي بنحبها سواء فطر ، نقانق، زيتون واهم شي جبنة الموزاريلا
  7. واخر شي منكن اضافة رشة اوريغانو قبل ما ندخلها الفرن.
  8. بنخبزها بفرن محمى مسبقا على حرارة ١٨٠ لحتى تستوي