للطباعة
معمول السميد
مشاركة من:
Farah Masoud
مدة الطهي
مدة التحضير
عدد الحصص
٤٠ دقيقة
تلات ساعات
حسب حجم الحبة
(المقادير) المكونات
تلات كاسات سميد ناعم أو وسط
كاسة طحين منخل
كاسة زبدة لورباك
تلات كاسات سمنة حيوانية
تلات ملاعق كلفة كعك حسب الرغبة
ملعقة صغيرة خميرة
ملعقة سكر
ربع كاسة ماء ورد
ربع كاسة ماء زهر
ملعقة صغيرة محلب مطحون
ملعقة صغيرة غير ممتلئة مستكة مطحونة
مية دافية للعجن
ربع كاسة حليب باودر
الطريقة
بتخلطي كل النواشف سوا
الزبدة و السمنة بتذوبيهم بتضفيهم عالسميد وهما فارين إذا كانت سخنة كتير السميد بصير يابس
قبل بيوم من الشغل فيه بتبسي السميد بالزبدة و والسمنة
وكل كم ساعة بتحريكيه
قبل ماتشتغل فيه بتذوبي الخميرة مع السكر بمية دافية وبتتركيه لتتفاعل بتضيفيه على السميد وبتخلطيه وبتتركيه نص ساعة ليرتاح
بعد هيك بتضفيله ماء الورد وماء الزهر لتحصلي على عجينة طرية
إذا تركتيها لوقت طويل عليها خميرة بتخرب
تحريك من تحت لفوق مابدها عجن
بعد ما تحشيها بتخبزيها بالفرن درجة 200 لحتى تتحمر وتوخد لون
بالهنا والشفا يارب