(المقادير) المكونات

 
كيلو حمص حب
كاسة فول حب
كاستين فول مجروش اصفر
كربونات الصوديوم
بهارات مشكلة
كمون
ملح
قرنفل مطحون
زنجبيل مطحون
بقدونس
راس بصل
فصين توم
قرن فلفل
ليمون
طحينة

الطريقة

1. نقعت كيلو حمص حب من الليل للصبح وطبعا غسلت الحمص منيح قبل النقع وحطيت معلقة كربونات الصوديوم الصبح زليت المي عنههم وفرمت ثلثين الكمية للفلافل وخليت ثلث للحمص ..
2. طبعا الفلافل بفرمه على ماكنة اللحمة دائما بس اليوم عملته على محضرة الطعام ، وبفرم معه حبتين بصل متوسطة الحجم و4 فصوص توم وحبة فلفل حلو وكم عرق بقدونس وكم عرق كزبرة .ما بكتر بقدونس عشان ما يسود الفلافل بالقلي وبملحهم وبحط كمون وقرنفل مطحون وفلفل اسود وكزبرة ناشفة ..
3. بغلفهم وبحطهم بالثلاجة ..ولما بدي اقلي فلافل بطول الكمية اللي بدي اياها وبحط معها معلقة كربونة صغيرة وممسوحة ومعلقة بيكنج باودر لانه بخليه ينفش ويقرمش ،
4. وبخلطهم منيح وبتركهم عشر دقايق وبعدين بقليهم الحمص بسلقه ع النار لحتى يستوي ع الاخر بحطه بالخلاط الكهربائي مع عصير الليمون ورشة ملح ومعلقة لبن وبخفقهم لحتى يصيروا زي الكريمة
5. .بحطهم بجاط وبحط عليهم طحينية وبخلطهم منيح وبدوقهم لاشوف شو ناقصهم .ممكن يحتاجو شوية ملح او ليمون او طحينة المهم انتي بتقدري هالشي بالذواق .
6. اما الفول بنقع مقدار من الفول الحب ومقدارين من الفول المجروش الاصفر ليلة كاملة
7. بحطهم بجرة فول صغيرة ع الصوبة وبخليهم طول النهار وطول السهرة ع الصوبة مع التحريك كل فترة وفترة وبزيد المي كل فترة وفترة لحتى يستوي الفول .
8. وطبعا بتحطي تتبيلة على الكمية اللي بدكم توكلوها فقط والباقي بتعبيه بعلب صغيرة وع الفربزر
9. وتتبيلة الفول عبارة عن توم وفلفل وملح وبقدونس وليمون وصحة وعوافي

 #فلافل وحمص وفول ام نضال