(المقادير) المكونات

 
ورق عنب مفرز طبعا (ملاحظة انا بفرز ورق عنب بناتي يعني العنب الصغير اللي ما فيه بزر وهاد الورق سبحان الله حامض من رب العالمين يعني ما بضيفله دبس رمان ولا ليمون لاني لو ضفتله هدول رح يصير حامض جدا وما تقدري تاكليه)
كاسة ونص رز تايجر
حبتين بندورة مفرومين
راس بصل مفروم
شوية بقدونس مفروم عيار فنجان
معلقتين نعنع ناشف
فنجان زيت زيتون
ملح حسب الرغبة

الطريقة

1. بطلع ورق العنب من الفريزر وبحطه بمي فاترة بوعاء وبتركه لحتى يفك
2. بصفي ورق العنب بالمصفاية
3. بفرد شرايح بندورة بقاع الطنجرة
4. وكان عندي كم حبة كوسا صغيرة حفرتهم وحشيتهم من حشوة الدوالي وصفيتهم فوق شرايح البندورة وبعدين بلشت الف ورق العنب واصفه فوق الكوسا لحتى انتهيت من الكمية
5. حطيت فوقها شرايح بندورة واضفتلها مي مغلية ورشة ملح وزيت زيتون وحطيتها على نار هادية لمدة ٣ ساعات حتى استوى الدوالي

وصحة وهنا

#ورق عنب وكوسا بزيت زيتون ...ام نضال