طباعة وصفة

مدة الطهي	مدة التحضير	عدد الحصص
30 دقيقة	15 دقيقة	10 أشخاص

لبن
بيضة (أو 2 معلقتين كبار نشا)
حمص مسلوق
عدس مسلوق
برغل
أرز (قد قبضة اليد منقوع)
ملح
فلفل أسود
بصلة مفرومة
زيت زيتون (لتحمير البصلة)

طريقة عمل الرشوف:
- اول شي بخلط اللبن ع الخلاط مع بيضه او 2 معلقتين نشاء كبار .
- بحط بالطنجره ارز بقبضة اليد وبكون منقوع وبسلقه مع شوية ميه
- بكون مجهز حمص حب وعدس اسود مسلوقين ومستوين
- بس يستوي الرز بحط الحمص والعدس وبحركهم شوي
- بضيف عليهم ملح ورشة فلفل اسود خفيفه
- بعدين بحط اللبن وبظل احركه لحتى يغلي ومجرد ما غلي بخفف النار ع الاخر
- بعمل بصله كبيره فرم ناعم مع زيت زيتون وع الغاز لحتى يحمر او يذبل البصل
- بحطهم فوق اللبن وبخليه يغلي تقريبا 15 دقيقة وبطفي تحته.
- مو دايما بعملها مع برغل فيكم تعملوها لحالها وتاكلوها مع خبز وبصل اخضر ..
بالنسبه للبرغل :
- بس يستوي العدس مسلوق (اسود حبة كبيرة او صغيرة ما بتفرق)
- بضيف البرغل وبكون بس مغسول وبضيفو ع العدس وبس يغلي بخفف النار تحته وبكون ملحته طبعا لحتى يستوي (يعني مثل المجدره العاديه)
- بكون عامله شرائح بصل مع زيت زيتون ليذبل وبحطهم فوق البرغل.

ملاحظة:: كمية العدس والحمص حسب كمية اللبن (صدقاً انا بقدر بالنظر). بس لازم كمية اللبن تكون اكتر من كمية الحمص والعدس

وصحتين وعافيه

رشوف ومجدرة برغل.