(المقادير) المكونات

 
1 كيلو لحم (قطع وسط)
1 و 1/2 كأس رز India gate
2 بصلة (مقطع مكعبات صغيرة)
1 حبة بندورة مبروشة (او مقطعة مكعبات صغيرة) 
1/2 حبة فليفلة (مقطعة مكعبات صغيرة)
1 حبة جزر متوسطة الحجم (مبروشة)
4 حبات لومي
ملح (حسب الرغبة)
بهار كبسة (حسب الرغبة)
لسلق اللحمة:
ورق غار
حب هال
كبش قرنفل
بصل مقطع جوانح مقلي
زبيب مقلي
لوز مقلي (للزينة) 
للدقوس(مثل الصوص):
2 حبات بندورة (مقشرة)
1 قرن فلفل حار
2 سنين توم
ملح
فلفل
زيت زيتون

الطريقة

1. يتم غسل اللحمة وسلقها كما يلي:
   • نضع حبة بصل مقطعة مكعبات ونشوحها مع الزيت و ورق الغار والهال والقرنفل 
   • ثم نضيف اللحمة ونشوحها حتى تشقر 
   • ثم نضيف الماء المغلي وبهار الكسبة واللومي ونضغطها من 30-45 دقيقة (حسب حجم اللحمة) 
   • اخر شي بنملحها (حسب الرغبة).
2. نغسل الارز جيدا وننقعه بماء فاتر لمدة 1/2 ساعه.
3. في قدر على النار نضع زيت ونضيف البصل المقطع وفصين تومة مفرومين ناعم ونشوحهم 
4. ثم نضيف الفليفلة ونقلب 
5. بعدين الجزر مع التقليب 
6. اخر شي بنضيف البندورة المقطعة والملح والقليل من بهار الكبسة ونتركها حتى تتسبك على نار هادية.
7. بنصفي الرز 
8. بس يبرد خليط الكبسة بنضيفة عالرز وبنضيف قطع اللحمة وبنصفي مرقة اللحمة وحبات اللومي 
9. ملاحظة: نضع لكل كوب ارز كوبين ماء (اكتر او اقل خسب نوع الارز) 
10. ازا بحاجة للملح بنضيف ونتركها على نار عالية حتى تغلي 
11. بعدين بنغطيها و بترك الرز يستوي على نار هادية.
12. عند السكب, تزين باللوز والزبيب والبصل المقلي.
13. يقدم بجانبها الدقوس:
    •  نضع البندورة المقشرة والمقطعة بالخلاط بالاضافة للفلفل الحار والتومة والملح والفلفل وزيت الزيتون 
    • نخلطهم حتى يتكون معنا هليط متماسك القوام (متل الصوص) 
    • ملاحظة: هاد الصوص بنقدر نقدمة متل ما هو بارد (او ساخن) بطبخه على النار (انا بفضله بارد اطيب)

وصحتين والف عافية