بتجيبي وعاء بتحطي فيه كاسة حليب دافي وبتضيفي معلقة سكر ومعلقة خميرة وفنجان صغير زيت ذرة ومعلقة خل في وعاء اخر بتحطي كاستين طحين انا حطيت نص طحين ابيض ونص قمح ومعلقة ملح
وبتخلطيهم منيح وبتبلشي تضيفي خلطة الحليب والزيت وتعجني لحتى تصبح عندك عجينة متماسكة ولينة .بدك تعجني هالعجينة بايدك مدة 4 دقايق .بعدين تغطيها بنايلون وتحطيها بمكان دافي لمدة ساعة حتى تختمر تماما
بعدها بتقطعي العجينة لاربع كرات متساوية وبتغطيهم وبتتركيهم كمان نص ساعة بتفردي كل كرة على حدا بصينية وبتضيفي خلطة السبانخ اللي هي عبارة عن راس بصل مقلب مع نص كيلو سبانخ مفروم وبنضيفله عصرة ليمون ومعلقة سماق وبنفرد كمان عجينة فوقها وبنقفلها من جميع الجهات
وكذلك بنعمل بالجبنة مع اضافة زيتون شرايح وزعتر ورق وبتدهنيهم لبن وخل مخلطين وبتنثري فوقهم سمسم او حبة البركة او اي شي او ما بتحطي شي براحتك وبتخبزيهم على حرارة 200 .. وصحة وهنا #فطيرة السبانخ وفطيرة الجبنة ...ام نضال
