بتنخلي الطحين بوعاء بتضيفي السمن والقطر ورشة الملح وبتخلطيهم مع بعض لحتى يتجانسوا وبتبلشي تعجنيهم بالحليب لحتى تتكون عندك عجينة لينة نوعا ما يعني مش طرية كتير ولا قاسية وسط .واذا الحليب ما كفى للعجن ممكن تضيفي شوية مي
بتتركي العجينة ترتاح نص ساعة وبتبرميها على شكل رول وبتقطعيها لقطع متوسطة .وبتغطسيها بالنشا وبتتركيها ترتاح
بترقي كل قطعة على حدا لحتى تصبح عندك عجينة رقيقة بتلفيها ع الشوبك وبتتغطي عليها من الطرفين لحتى تزميها
وبعدين بتطلعيها من الشوبك متل ما هو موضح بالصورة وبتفرديها مع بقاء الكسرات فيها بتعملي الجبنة كرات وبتغطسيها بالفستق الحلبي وبتصفي ٤ حبات فوق العجينة وبتخلي ٢ سم بين كل كرة والتانية
بتقفلي العجينة على بعض ويتغطي على الفراغات اللي بين كرات الجبنة وبتقطعيها بالسكينة وبتقلبيها وبتصفيها بصينية مدهونة سمنة وبتدهني كل الحبات بالسمنة بواسطة الفرشاية وبتخبزيهم بالفرن ولما بدك تحمريهم بتخلي نار الشواية ضعيفة والصينية بعيدة عن النار ،حتى تتحمر تحمير بدون شعط
