(المقادير) المكونات

 
باكيت ٤٠٠ غم فول
بصلة صغيرة مفرومة ناعم
تلات سنان تومة مهروسة
حبة كبيرة بندورة مفرومة ناعم
رشة كزبرة خضرة مفرومة ناعم
قرن فلفل حار مفروم ناعم أو أقل حسب الرغبة
ملعقة صغيرة صلصة البندورة
ملعقة صغيرة شطة (دبس فليفلة)
ملعقة كبيرة لبن
ملعقتين كبيرة طحينية
ملعقة كبيرة عصير ليمون
نص كاسة مية
رشة ملح و فلفل اسود رشة كمون و كزبرة رشة بابريكا حارة حسب الرغبة

الطريقة

1. الفول بتصفيه من المية وبتغسليه
2. بتقلي البصل مع التوم والفلفل بس يذبل بتضيفي الفول وبتقلبيهم
3. بتضيفي البندورة مع صلصة البندورة والشطة و رشة ملح و فلفل اسود و كمون و كزبرة و بابريكا بس يتقلبوا بتهرسيهم بالشوكة وبتضيفي لهم المية والطحينة وليمون ولبن و بتقلبيهم سوا
4. بتخليهم ينطبخوا لدقيقتين اخر شي رشة كزبرة خضرة مفرومة ناعم بالهنا والشفا يارب