(المقادير) المكونات

 
دجاجة مقطعة اربع قطع
كاستين ارز بسمتي
٤ حبات جزر شرائح رفيعة
راسين  بصل مفروم واحد للدجاج وواحد للارز
٦ فصوص توم مدقوقة نصهم للارز ونصهم لخلطة الدجاج
فنجان زبيب
فنجان غرانبري وهو توت بري مجفف
ملعقة كبيرة بهارات مشكلة
ملعقة صغيرة قرفة
ملعقة كبيرة كمون حب
حبتين لومي
ورق غار
حبات من الهيل وعيدان القرنفل
ملعقة معجون طماطم
ملعقتين زيت ذرة
ملعقة زبدة
لوز مقشر ومقلي للزينة
 

الطريقة

1. اولا غسل الجاج ونقعه بالخل والملح لمدة ساعة
2. بعدين بنشيله من النقع بتحطيه بصينية وبتحطي معه راس بصل شرايح ونص كمية التوم وجميع البهارات المذكورة فوق مع معجون الطماطم ومعلقة الزيت وبتخلطيهم كلهم مع بعض وبتحطي غمرتهم مي مغليه وبتحطيهم بالفرن على حرارة ١٨٠
3. بنغسل الارز وبننقعه نص ساعة وبنصفيه وبنتركه على جنب لنحضر خلطة الارز
4. بنقسم الجزر المبشور والزبيب والغانبري لقسمين بنحط قسم بالطنجرة مع شوية زيت وزبدة وبصلة مفرومة ونص التومة اللي ضلت وبنضيف الجزر الشرايح والزبيب والغانبري وبقلبهم منيح لحتى يتذبلوا
5. النص التاني بنقلبه بدون بصل وتومة وبنتركه للتزيين مع اللوز المقلي
6. لما يستوي الجاج بنزل المرقة وبنصفيها وبنضيفها للارز ٤ اكواب مرقة مع نص معلقة كركم وما في داعي تضيفي بهارات لانه كل البهارات والمطيبات بمرقة الجاح .وبنحرك الرز مع المرقة مع الخلطة منيح وبس يتشرب الرز المرقة بنوطي النار ع الاخير وبنترك الرز يتفلفل .
7. بنجيب فحمة بنولعها ع الغاز وبس تجمر بنحطها على ورقة قصدير وبندخن الرز فيها وبندخن الجاج بعد ما نحمره
8. ويقدم مع السلطة واللبن

وصحة وعوافي وبتمنى تعجبكم هالطريقة

#ارز بخاري ..ام نضال