(المقادير) المكونات

 
كرست كاسة ونص طحين منخل
100 غم زبدة متلجة
صفار بيضة
ربع كاسة مية متلجة
رشة ملح
فانيلا
ملعقتين كبار سكر غير ممتلئة
 للحشوة: 
400 غم جبنة كريمية غير مملحة بدرجة حرارة الغرفة
نص كاسة سكر
ملعقتين كبار سكر (اضافي اذا بتحبوها كتير حلوة) 
300 غم زبادي يوناني بلوبيري (علبتين)
حبتين بيض بدرجة حرارة الغرفة
فانيلا
رشة ملح
ملعقتين كبار نشا منخل
نقط لون غذائي موف
توبينغ بلوبيري

الطريقة

1. بمحضرة الطعام بتحطي كل النواشف بتضيفي الزبدة ليصير زي الرمل بتضيفي صفار بيضة مع الفانيلا اخر شي المية بالتدريج ملعقة ملعقة حتى تلم العجينة بتكون عجينة طرية ومتماسكة مابدها عجن
2. بس تلم بتدخليها التلاجة لمدة نص ساعة
3. بعدها بتفرديها على بين ورق زبدة او او نايلون وبتحطيها بالقالب و بالشوكة بتعملي فيها ثقوب و بترجعيها للتلاجة
4. بتحطي عليها ورق زبدة عليها حبوب تقيلة وبتدخليها فرن حامي من قبل درجة 180 من الوسط، لتتحمر الاطراف وتستوي نص ستوا القاعدة
5. بتشيلي ورق الزبدة بتخفقي على سرعة هادية الجبنة وبتضيفي السكر بتضيفي زبادي يوناني بعدها البيض عليه رشة ملح و الفانيلا وبتضيفيه بالتدريج
6. واخر شي النشا ونقط لون غذائي بتصبيه بالقالب وبتدخليها الفرن درجة 180 من الوسط
7. تحت شبك الفرن عليه صينية عليها مية حتى تستوي الأطراف ومن النص مستوي 95٪ (اذا حركتي القالب من النص بكون مو متماسك 100٪)
8. بس تطفي الفرن بتفتحي شوي بابه وبتخليها بالفرن تبرد
9. بعدها بتدخليها التلاجة لمدة ليلة كاملة
10. بالهنا والشفا يارب