(المقادير) المكونات
- مقادير سلق الدجاج :
- دجاجة
- حبة بصلة مقطعة مكعبات كبيرة
- حبة لومي
- ٥ حبات هيل
- ٥ حبات ورق غار
- عود قرفة صغير
- ٣ حبات قرنفل
- ماء لغمر الدجاجة
- للأرز :
- ٢ كوب ونصف أرز مندي مغسول ومنقوع مسبقا لمدة نصف ساعة
- ٣ ملاعق كبيرة زيت نباتي
- ٣ اكواب مرق سلق الدجاج مصفى
- فلفل اسود حسب الرغبة
- نص م.ص قرفة مطحونة
- ١ م.ك بهارات مشكلة ناعمة
- ملح حسب الرغبة
- مكعب ماجي
- حبة فحم مجمرة
- للحمه المفروم اللي على الوجه :
- ٣ ملاعق كبيرة زيت نباتي
- حبة بصل مقطعة مكعبات بشكل ناعم
- نصف كيلو لحم عجل مفروم خشن
- ربع م.ص قرفة مطحونة
- نص م.ص بهارات مشكلة
- ملح وفلفل اسود حسب الرغبة
- ٤٠٠ غرام كيس خضار مشكلة من الجزر والبازيلاء
- لتحمير الدجاج بعد سلقه:
- كوب لبن
- ١ م.ك كاتشاب
- ١ م.ك معجون طماطم
- ربع م.ص هيل مطحون
- نص م.ص بهارات مشكلة
- ٣ م.ك زيت زيتون
- ملح وفلفل اسود حسب الرغبة
- رشة شطه مجروشة (او اكتر حسب ازا بتحبو الحار)
- حبتين فحم مجمرين
الطريقة
- لسلق الدجاج :
- نغمر الدجاجة المقطعة بالماء وبس تبدا تطلع الرغوة او الدهن بشيلو بملعقة
- بعدين بضيف بصلة مقطعة مكعبات كبيرة /حبة لومي ٥ حبات ورق غار /٥ حبات هيل /عود قرفة /٣ حبات قرنفل وبغطي الطنجرة مدة ساعه الا ربع لحتى يستوي على نار متوسطة
- بصفي الدجاج بس يستوي وبحتفظ بماء السلق للارز .
- للارز :
- بضيف زيت نباتي تقريبا ٣ ملاعق كبيرة بعدين بضيف التالي كوبين ارز مندي مغسول ومنقوع مسبقا لمدة نصف ساعة/٣ اكواب مرق سلق الدجاج مصفى /فلفل اسود حسب الرغبة/نص م.ص قرفة مطحونة/١ م.ك بهارات مشكلة ناعمة /ملح حسب الرغبة /مكعب ماجي وبغطي وبخلي جزء من الغطا مفتوح حتى ما يفور ع نار عالية بالبداية
- بعدين حيبلش يغلي ..وبعدين بس تبلش المي تنشف بوطي النار ع الاخر وبغطي بدون ما اخلي جزء مفتوح
- وبس تنشف تماما بحط تحتو هداي مدة نص ساعه بستوي ع مهلو وبتفلفل صح
- وبس يستوي بجيب حبة فحم مجمرة يعني بكون مجمرتها ع النار بالبداية بحطها بقصدير وبحطها داخل الطنجرة وبحط عليها زيت نباتي
- بس تبلش الدخنة تطلع سكري الغطاي بسرعة ع الرز وشمي الريحة اللي بتطلع 🤩😍
- للحم المفروم اللي على الوجه :
- بمقلاة ع نار متوسطة بضيف زيت نباتي ٣ ملاعق كبيرة
- و بس يسخن بضيف حبة بصلة متوسطة الحجم مقسمة مكعبات ناعمة بقلبهم سوى لحتى يدبل البصل
- بعدين بضيف نص كيلو لحم مفروم خشن وبقلبهم سوى وبضيف عليها ربع م.ص قرفة مطحونة /نص م.ص بهارات مشكلة /ملح وفلفل اسود حسب الرغبة بقلبهم لحتى يتغير لون اللحمة
- وقبل ما تنشف مي اللحم بضيف كيس خضار مشكلة من الجزر والبازيلاء يعني ٤٠٠ غرام وبقلبهم وبخليهم ثلث ساعه لحتى يستوي الجزر والبازيلا
- لتحمير الدجاج:
- بعد سلقه بخلط هاي المكونات سوى: كوب لبن/١م.ك كاتشاب /١م.ك معجون طماطم /ربع م.ص هيل مطحون /نص م.ص بهارات مشكلة /٣م.ك زيت زيتون /ملح وفلفل اسود حسب الرغبة /رشة شطه مجروشة او اكتر حسب ازا بتحبو الحار او لا
- بعدين بغطي فيهم الدجاج المسلوق وبحط الدجاج بصينية وبخلي فراغ بالنص للفحم
- بجيب قطعة قصدير بشكلها ع شكل صحن بحط فيها حبتين فحم وبجيب شوية زيت مازولا وبحط ع الفحم
- ببلش يعطي دخنة بتججنن مع ريحة خورافية
- بكون طبعا مجمرة الفحم ع النار بالاول وبكون مجهزة قصدير اغطي في الصينية بسرعة قبل ما تروح دخنة الفحم
- حطيت الفحم بالقصديرة وحطيت الزيت بلشت الدخنة تطلع بسكر عليهم بالقصدير
- وبشكل ٣ ثقوب بالقصدير وبحط الصينية بالفرن ع الرف الوسط ثلث ساعة بكون مشغلة النار من تحت طبعا
- بعدين بشيل القصدير وبحمر الدجاج من فوق
ريحتو خييااااال 😍والطعم ولا اروع 🥰
