فخارة البطاطا بحشوة النقانق والخضار

مشاركة من: Farah Masoud
Defaultimage.png Defaultimage.png Defaultimage.png Defaultimage.png
مدة الطهي مدة التحضير عدد الحصص
١٠ دقائق ٤٠ دقيقة خمس اشخاص

(المقادير) المكونات 

 
  • طبقة ماش بوتيتو:
    • خمس حبات كبيرة بطاطا 
    • ٥٠ غم زبدة 
    • نص كاسة حليب او كريمة 
    • رشة ملح و فلفل اسود و بودرة مرق الدجاج 
    • رشة جبنة شيدر و قشقوان 
  • للحشوة: 
    • نقانق مقطع 
    • حبتين فليفلة مفرومة 
    • علبة فاصوليا حمرا و فطر 
    • نص علبة ذرة و زيتون اسود شرائح 
    • تلات ملاعق كبيرة زيت نباتي 
    • رشة ملح و فلفل اسود و بودرة مرق الدجاج 
  • جبنة موزاريلا للتقديم

الطريقة

  1. بطاطا مسلوقة بتقشريها بتضيفيلها 50 غم زبدة و بتهرسيها كتير منيح وهي سخنة وبتضيفي حليب او كريمة و رشة ملح فلفل اسود و بودرة مرق الدجاج ورشة جبنة شيدر و قشقوان 
  2. بتخلطيها وبتوزعيها بالفخارة 
  3. للحشوة: 
    • بمقلاة بتحطي زيت نباتي وبس يحمى بتقلي النقانق مقطع و وبتضفيله رشة ملح و فلفل اسود 
    • بتحطيهم بصحن وبنفس القلاية بتحطي فليفلة مفرومة 
    • بتقلبيها لدقيقة لتتطرى وبتضيفي لها فاصوليا حمراء و فطر ذرة و زيتون اسود شرائح ورشة ملح و فلفل اسود و بودرة مرقة الدجاج 
    • وبتقلبيهم لدقيقة بتخلطيهم مع النقانق وبتحطيهم بالفخارة 
  4. وفوقهم طبقة ماش بوتيتو ورشة موزاريلا 
  5. بتدخليها الفرن حتى تسيح الجبنة 

بالهنا والشفا