(المقادير) المكونات

 
للعجين:
٤ كاسات طحين مع:
 معلقة خميرة 
ومعلقة سكر 
وفنجان زيت زيتون
فنجان لبن
رشة ملح
ماء دافي 
مكونات المسخن: 
دجاجة اربع قطع 
٦ روس بصل مفروم 
زيت زيتون 
سماق 
ملح ،كمون، بهارات

الطريقة

1. للعجين:
   • عجنت المكونات وتركتهم ساعة لحتى اختمروا 
   • قطعتهم ٦ قطع بحجم رغيف الخبز العادي .
   • وتركتهم ربع ساعة يختمروا
2. حطيت الصاجة على راس الغاز وشعلتها وشعلت الشواية تبعت الفرن .
3. صرت ارق بالعجينة لحتى تصير بحجم خبز التنور 
4. وبس حميت الصاجة حطيت العجينة عليها 
5. وبس احمرت من تحت نزلتها ع الشواية لحتى تحمر من فوق 
6. وهكذا حتى انتهيت من الست كرات العجين
7. قشرت ٦ روس  بصل  كبار وفرمتهم وقلبتهم ع النار بزيت زيتون 
8. لما تذبلوا اضفتلهم السماق ورشة ملح ورشة كمون
9. بلشت افرد البصل فوق كل رغيف مشروح  
10. حطيتهم فوق بعض وحطيتهم بالفرن بالرف اللي بالوسط 
11. وبعد ما تحمروا من تحت حمرتهم من فوق
12. طبعا الدجاج ما سلقته سلق شويته شوي بالفرن بعد ما نقعته بالخل والمي مدة ساعة 
13. وبعدين تبلته وبهرته واضفتله شرايح بصل وزيت زيتون وكاستين مي مغلية وحطيته بالفرن لمدة ساعة ونص
14. ملاحظة: وانا عادة مع المسخن بعمل شوربة فريكة ... بجمع الجوانح ورقاب الجاج وبسلقهم ... طلعت مممم بتشهي

وصحة وعوافي #مسخن ..ام نضال