(المقادير) المكونات

 
للكرست:
250 غم بسكوت قمح مطحون
100 غم زبدة
المكونات للطبقة التانية (جميع بحرارة الغرفة):
400 غم جبنة كريمية
200 غم زبادي عليه عصرة ليمون
1/2 كاسة كريمة سائلة
2 حبتين بيض (عليهم رشة ملح و نص ملعقة صغيرة فانيلا)
1/2 كاسة سكر حبييات
عصرة ليمون مع رشة برشه (اختياري)
1/2 كاسة بلوبيري
2 ملعقتين كبار نشا منخل
للتوبينغ:
2 كاستين بلوبيري
1/2 كاسة مية
عصرة ليمون
1/2 كاسة سكر
1 ملعقة كبيرة نشا

الطريقة

1. للطبقة الاولى:
   • البسكوت فيه نوعيات طرية فيها كمية زبدة ما بتحتاج تضفيلها كتير زبدة
   • بعد ما تطحنيه ضفيله الزبدة بالتدريج حتى يتماسك معك
   • بتحطيه بقالب متحرك القاعدة وبترصيه من القاعدة و الأطراف
   • بتدخليه الفرن شوي ليتماسك تقريباً من 7-10 دقائق وبتتركيه يبرد او بتدخليه التلاجة لمدة 1/2 ساعة
2. للطبقة التانية:
   • بتخفقي الجبنة وبتضيفي السكر
   • بتضيفي الزبادي و الكريمة مع التقليب
   • بتضيفي البيض بالتدريج مع التقليب واخر شي النشا
   • بتصبي نصه بالقالب و بتوزعي حبات البلوبيري و فوقه باقي الخليط
   • بتغلفي القالب من القاعدة و الأطراف بالقصدير كتير منيح حتى لاتدخله المي
   • بتحطيه بصنية عليها مية بحرارة الغرفة
   • تغطي 1/2 القالب وكل ما نقصت بتزيدي وبتدخليه فرن حامي من قبل 1/4 ساعة درجة 180 من الوسط
   • بدها تقريباً 1 ساعة بتكون الأطراف متماسكة و الوسط متماسك بس شوي رخو
   • بس تطفي الفرن بتفتحي شوي بابه وبتخليها بالفرن 1 ساعة حتى تبرد
   • بعدها بتدخليها التلاجة لمدة ليلة كاملة
3. للتوبينغ:
   • بتخلطي البلوبيري مع السكر و 1/4 كاسة مية وبتحطيه على نار هادية مع التحريك كل شوي حتى يستوي
   • بتضيفي عصرة ليمون وبتتركيه يغلي
   • اخر شي نشا مذوب ب1/4 كاسة مي مع التحريك

• ملاحظة: ازا بدك اياه اكتر كثافة ضيفي ملعقتين نشا

بالهنا والشفا يارب