(المقادير) المكونات

 
دجاج ٦ قطع
ارز بسمتي
حبتين  بصل
حبة بندورة
حبتين جزر
علبة حمص حب مسلوق
٣ فصوص توم
معلقة كركم
ملح
بهارات مشكلة
فلفل اسود
هيل مطحون
زنجبيل مطحون
بابريكا
زعتر ناشف مطحون
فنجان لبن رايب
فنجان زيت ذرة
٣ كاسات ارز
ملوخية ناعمة
 

الطريقة

1. بعد غسل الدجاج بنقعه بالخل والملح لمدة ساعتين
2. بالخلاط بحط راس البصل مقطع ٤ قطع والتوم والبندورة وجميع المكونات المذكورة فوق مع كاسة مي وبخلطهم منيح كتير ،
3. بصينية بحط قطع الدجاج وبسكب فوقها الخليط اللي عملته
4. وبغطي الصينية بالقصدير وبحطها بالفرن على نار وسط لمدة ساعة ونص  .
5. بنقع الارز عشر دقايق
6. بحط طنجرة ع النار وبحط فيها قليل من زيت الذرة وببشر حبة جزر وراس بصل وكم فص توم  بقلبهم بالزيت لحتى يذبلو بضيف الحمص وبقلب  ،
7. بصفي الرز من المي وبقلبه مع الجزر والبصل  والحمص وبضيف فوقه مرقة الدجاج اللي بالفرن بعد ما اصفي المرقة ،وبضيف ملعقة صغيرة كركم وبس تغلي المرقة وتتشرب بوطي النار وبتركهم لحتى يستوي الرز.
8. الملوخية الناعمة معروفة: بعد ما نلقطها ونغسلها وننشفها بنفرمها ع الايد وبنضيفها لمرقة الدجاج.
9. وبنقدح للملوخية كم فص توم بزيت ذرة او سمنة

وصحة وعوافي

#رز مبهر وملوخية خضرا طازه ..ام نضال