(المقادير) المكونات
- كيلو لحمة مفرومة
- راس بصل
- فصين توم
- نص حزمة بقدونس
- ملح وبهارات
الطريقة
- لحمة مفرومة ناعمة بتفرميلها شوية بقدونس وراس بصل وفصين توم وانا بزيدهم حبتين بندورة بتطلع طيب وبتعطي طراوة للكفته وبتزيدي ملح وبهارات حسب الرغبة ..انا ما بجيب كفتة جاهزة من عند اللحام بعملها في البيت ..
- عملت قسم من الكفتة اصابع وصفيتهم بصينية وقشرت بطاطا وقطعتها اصابع واضفتهم للكفتة مع حبتين بندورة مقطعة وغطيتهم وحطيتهم بالفرن لحتى استوو حمرتهم وقلبت اصابع الكفتة ع الوجه التاني وبرضو حمرتهم
- الصنف التاني:
- فردت قسم من الكفتة بصينية فخار وحمرتها تحت الشواية اولا لاني لو حطيتها بالفرن وحطيت الطحينية عليها ما رح تكون تحمرت لكن انا بحمرها شوية اولا وبعدين بغطيها وبحطها بالفرن وبس تستوي بكون عملت ليمون وطحينية وخفقتهم منيح بضيفهم للكفته وبغطيها وبخليها لحتى تتسبك الطحينة بعدين بحمر ها ليطلع شكلها حلو
- الصنف التالت:
- هو كفتة مفرودة بالصينية مع شرحات البندورة
- بفرد الكفتة بالصينية وبحمر وجهها اولا قبل ما احط شي عليها بعدين بحط شرحات بندورة فوقها وبغطيها وبحطها بالفرن وبس تستوي برجع بكمل تحميرها مرة تانية وهيك بتكون الكفتة استوت منيح
- تقدم مع السلطة او اللبن
وعملت خبز في البيت بيشهي ..اللي بدها طريقة الخبز تكتب بالبحث فوق #خبزات ام نضال بتطلعلها الطريقة
وسلامة تسلمكم
وصحة وهنا
#اصناف كفتة ام نضال
