(المقادير) المكونات

 
كاسة ونص طحين منخل
نص كاسة زبدة متلجة
رشة ملح
تقريباً ست ملاعق كبيرة مية باردة حسب نوعية الطحين وامتصاصه للسوائل
صفار بيضة كبيرة
نص ملعقة صغيرة فانيلا سائلة
ملعقة ونص كبيرة سكر
للكراميل علبة كبيرة حليب مكثف محلى أو أو كاسة سكر ١٠٠ غم زبدة بحرارة الغرفة نص كاسة كريمة بحرارة الغرفة
باقي المكونات موز مقطع عليه عصرة ليمون حتى لايتغير لونه، كريمة مخفوقة، شوكولاتة مبشورة او كاكاو منخل

الطريقة

1. بمحضرة الطعام توضع جميع النواشف و يضاف الزبدة بالتدريج يضاف صفار بيضة والفانيلا
2. تضاف المية بالتدريج ملعقة ملعقة لتلم معك العجينة بتكون عجينة طرية ومتماسكة كترة العجن بتخربها
3. بتلفيها بنايلون وبتدخليها التلاجة لنص ساعة
4. تفرد على ورق زبدة او نايلون بعدها بتحطيها على قالب وبتعملي فيه ثقوب بالشوكة وبتدخليه التلاجة لمدة نص ساعة
5. قبل الخبز بتحطي عليها ورقة زبدة عليها حبوب تقيلة الوزن وبتدخليها فرن حامي من قبل درجة ١٨٠ من الوسط بدها تقريباً ربع ساعة حتى توخد الأطراف لون ذهبي بعدها بتشيلي ورقة الزبدة و بترجعيها على الفرن لتستوي القاعدة تقريباً بدها ربع ساعة
6. علبة كبيرة حليب مكثف محلى
7. بتحطيها بمقلاة غير لاصقة على نار هادية مع التحريك المستمر ليتكرمل وبتتركيه ليبرد
8.  أو كاسة سكر/ ١٠٠ غم زبدة بحرارة الغرفة/ نص كاسة كريمة بحرارة الغرفة 
9. بتحطي السكر بمقلاة غير لاصقة على نار هادية ليبدأ يتكرمل بتحريكيه بهدوء بتضيفيله الزبدة بالتدريج مع التحريك وبعدها الكريمة بالتدريج و بتحركيه *اذا طول على الغاز بنحرق وبصير طعمه مُر
10. بس تطلع عجينة التارت وتبرد بتوزعي عليها التوفي وقطع الموز
11. بتحطي الكريمة المخفوقة بكيس كريمة وبتوزعيها على الموز و بترشيها بالشوكولاتة او الكاكاو 

بالهنا والشفا