(المقادير) المكونات

 
كاستين طحين
نص كاسة سمنة
معلقة كبيرة فانيلا
رشة ملح
ماء دافي للعجين
فستق حلبي مطحون للزينة
والحشوة
قشطة وجبنة محلاه من الملح

الطريقة

1. بخلط كل مواد العجينة مع بعض وبعجنهم بمي دافية وبغطيهم وبتركهم يرتاحوا ساعة
2. بقطع العجينة عشر قطع متساوية وبخليها ترتاح ربع ساعة
3. بلف قطع العجين بالنشا وبرق كل قطعة بحجم الرغيف وبحط نشا بين كل قطعة والتانية وبحط كل خمس قطع فوق بعض .
4. هلا برق كل خمس قطع مع بعض وبضل ارق بالطول والعرض لحتى احس انه العجينة صارت رقيقة بقطع جميع الحواف بقطاعة البيتزا او السكين حتى يصير عندي مستطيل
5. بقطع المستطيل لمربعات صغيرة وبحشيهم بالجبنة والقشطة وبطوي طرف على طرف حتى يصير مثلث وهكذا حتى انتهاء الكمية وبصفهم بسدر مدهون سمنه وبدهنهم من فوق سمنة
6. بخبزهم بالفرن على حرارة ١٨٠ حتى يحمر من تحت بطفي الفرن وبشعل الشواية وما برفع السدر بخليه تحت حتى يحمر على مهله بدون ما ينشعط
7. بشربه بالقطر وبزينه بالفستق

وصحة وهنا

#وربات ام نضال