اولا االسوس بنجيبوا من المول او من عند العطار بناخد قسم منه مقدار كاسة شاي بنحطوا بالصينية وبنضيفله ربع معلقة كربونات الصوديوم وبنرش عليه مي بالتدريج وبنبسو بروس الاصابع لحتى تحسي انه كله تبلل بالمي و
بنغطيه بقطعة شاش وبنحطه عالبرندة او اي مكان يكون فيه شمس .وبعد 4 ساعات رح يصير لونه اسود
رح نحطه بقطعة شاش ونربطه مثل الصرة ونحط الصرة بوعاء ونمسكها بملقط غسيل بطرف الوعاء كما في الصورة .
وبنجيب ابريق مي باردة او قنينة اللي موجود وبنبلش نسكب فوق الصرة بالتدريج لحتى نغمر الصرة بالمي ونتركها نص ساعة او اكثر حتى يصبح عنا شراب العرق سوس المنعش
بنحطوا بالثلاجة او بنضيفلوا ثلج حسب الرغبة
والف صحة وهنا
ملاحظة ..المي اللي بدك تبسي فيها السوس ما تكون من الفلتر لانه مستحيل يصير السوس لونه اسود .ضروري تكون من الحنفيه بس مغليه .. يعني بتغلي مي بسخان الكهربا او اي وعاء ع النار وبتتركيها تبرد وبتبسي السوس فيها.
