(المقادير) المكونات

 
٢ كوب برغل ناااااعم لا خشن و لا وسط
كوب ماء ساخن و حسب نوع البرغل
٢ كوب بطاطا مسلوقة و مهروسة لاعطاء طراوة للكبة
بصلة وسط
٢م.ص بابريكا
١.م.ص كمون( حسب الرغبة)
١م.ك. شطة او دبس الفليفلة
١.م.ك رب البندورة
نص كوب زيت زيتون
ملح فلفل اسود
برش ليمونة حسب الرغبة

الطريقة

1. نقلي البصلة بزيت الزيتون حتى تذبل و يصير لونها على صفار
2. بنحط م ب الماء على البرغل و بنتركه عشر دقايق حتى يتفتح
3. بنعجن البرغل منيح و بعدين بنضيف باقي الكونات ما عدا البطاطا و نعجن جيدا لمدة عشر دقايق
4. لاني بحب الطعم الحامض ضفت شوية ليمون مع برشها و ما حطيت الكمون لانه بيضرب الطعم
5. بنضيف البطاطا و بنعجنهم منيح
6. بنضيف البصلة المقلية و بنعجن منيح
7. أخدت قطعة بحجم الكفتة و كبكبوها و خليها تاخد شكل الاصابع

حطيتها بصحن و رتبتها و زينتها

• في ناس بيضيفوا لهاي الوصفة لحمة الهبرة او الخضار المهروس او بدبس الرمان ..
• في ناس بيضيفولها دبس الرمان ..
• في ناس بيضيفوا كزبرة مفرومة ..
• في ناس ما بتضيف
• في وصفات ما بتخلص و يعطيكم العافيية