كرات اللحم على الطريقة السويدية

مشاركة من: Just food
Defaultimage.png Defaultimage.png Defaultimage.png
مدة الطهي مدة التحضير عدد الحصص
30دقيقه 30 دقيقه 10 اشخاص

(المقادير) المكونات 

 
  • للحمة:
    • 1/2كيلو لحمة مفرومة
    • 1/2كوب قرشله او توست مطحون
    • 1/4كوب كريمة طبخ سائلة
    • 1بيض
    • 1بصلة مبروشة
    • ضمة بقدونس صغيرة
    • ملح وفلفل وشوي كاري..
  • للصوص:
    • 2معلقة كبيرة زبدة
    • 2معلقة طحين
    • 1/2كوب كريمة طبخ
    • 1كوب حليب سائل
    • 1مكعب مرقة جاج
    • ملح وفلفل
    • 2معلقة صويا صوص
    • معلقة صغيرة بهارات مشكله

الطريقة

  1. اول شي بخلط اللحمة المفرومة مع القرشلة او التوست المطحون والبيضة وكريمة الطبخ والملح والفلفل والكاري والبصله والبقدونس وبعجنهم منيح..
  2. بشكل اللحمة على شكل كرات وبدخلهم الفريز لمده نص ساعه...
  3. ببدا اعمل الصوص اول شي بمقلايه بحط الطحين وبحمصه حسب درجة اللون الي بدي اياها تطلع بعدين.
  4. بعد ما يتحمص بنزل عليه بالحليب بالتدريج مع التحريك المستمر.. بعد ما ينخلط معي منيح مع الحليب وما يكون مكبتل بحط الكريمه ومكعب مرقة الجاج ومعلقتين الزبده والملح والفلفل . ومعلقة البهارات وبرجع اخلطهم منيح مع بعض وبخليهم على النار مع بعض حتى الصوص يصير كثيف...
  5. اخر شي بحط الصويا صوص وبرجع احركه واطفي النار..
  6. بعدين بقلي اللحمة بزيت غزير لما يتحمرو منيح.. بطلعهم من الزيت وبنزلهم بالصوص وبحطهم على نار هادية مع بعض لمدة10دقايق...
  7. بقدمها مع بطاطا ماش الي هي بطاطا مسلوقة بهرسها وهي سخنه مع زبدة وحليب او كريمة طبخ وملح وفلفل...
  8. او معكرونة من اي نوع بتفضلوه بتسلقو المعكرونه عادي وبتحطو الصوص مع اللحمة فوقيها..
  9. او ممكن اتخففو الصوص بكريمة اكتر وتعملو جنبه رز ابيض..

صحتين والف عافية😍❤️