قراص سبانخ بدون خميرة

مشاركة من: Mariam Ramadan
Defaultimage.png Defaultimage.png Defaultimage.png Defaultimage.png Defaultimage.png Defaultimage.png
مدة الطهي مدة التحضير عدد الحصص
نص ساعة ساعة ٤ حصص

(المقادير) المكونات 

 
  • كيلو سبانخ
  • راسين بصل
  • زيت زيتون
  • معلقة كبيرة سماق
  • معلقة ملح حسب الرغبة
  • عصير ليمونة
  • مقادير العجينة 
    • كاسة طحين قمح .
    • كاساتين طحين ابيض
    • رشة ملح
    • فنجان زيت زيتون
    • ماء دافي للعجن

الطريقة

  1. هو عبارة عن مقدار من دقيق القمح ومقدار ين من الدقيق الابيض وزيت زيتون ورشة ملح وماء دافي للعجين .وبعد ما نعجنهم بنتركهم يرتاحوا شي نص ساعة
  2. بنفرم السبانخ وبنغسله منيح وبنفركه بالملح وبنحطه بمصفاية وبنغسله تحت الحنفية وبتركه يتصفى .
  3. بنفرم راسين بصل او اكتر حسب عدد الافراد
  4. وقلبت البصل بزيت الزيتون واضفتله السبانخ ورشة ملح وعصرة ليمون ومعلقتين سماق ومعلقتين فلفل شطة وخلطتهم منيح .
  5. بعدين قطعت العجين كرات متوسطة ورقيتهم بمرقة العجين لحتى صارت العجينة شفافة دهنتها زيت ثنيت طرفين العجينة للوسط كما هو بالصورة حطيت معلقتين من حشوة السبانخ ورديت الاطراف التانية فوق بعض متل المطبق لحتى يصير عنا مربع وبنصفهم في صينية مدهونة بزيت زيتون وخليكي كريمة شوية بالزيت
  6. طريقة الخبيز
  7. طبعا هاد القراص طريقته بتختلف في الشوي
  8. رح نشعل الفرن من تحت ونحميه نص ساعة بنحط صينية القراص وبس يحمروا من تحت بنطلع الصينية من الفرن وبنقلبهم وبنرجعهم ع الفرن ...يعني ما بنستخدم الشواية ابدا
  9. واللي بحب القراص مثلثات  بالعجينة الخامرة بنعمل بعجينة خامرة وبنخبزه مثل اي فطاير خامرة

وصحة هنا

#قراص سبانخ—ام نضال