(المقادير) المكونات

 
مقادير العجينة
5 كاسات طحين
3كاسات ماء دافي
معلقة كبيرة خميرة
معلقة كبيرة سكر
فنجان لبن رايب
رشة ملح
معلقتين زيت زيتون
مقادير الحشوة:
كيلو لحمة مفرومة ناعمة
3 حبات بصل
3حبات بندورة
معلقة معجون طماطم كبيرة
معلقة دبس رمان كبيرة
معلقة بابريكا كبيرة
معلقة كبيرة زيت زيتون
معلقة دبس فليفلة .وبامكانك الاستغناء عنه
4 فصوص ثوم
معلقة ملح
معلقة فلفل اسود

الطريقة

الطريقة: (بالنسبة لعجينة العشر دقائق)

• بتحطي بوعاء كاسة ونص ماء دافي ومعلقة الخميرة ومعلقة السكر وبتذوبيهم منيح وبتضيفي كاستين طحين وبتخلطيهم منيح وبتتركيهم عشر دقائق ..
• بعدها بتضيفي اللبن ورشة الملح وبتضيفي كمان كاسة ونصف ماء وباقي الطحين 
• وبتعجنيهم منيح وبتحطي ع الوجه معلقتين زيت وبتخلطيهم منيح
• بتفردي قطعة قماش وبترشي عليها طحين وبتقطعي العجينة لكرات صغيرة وبتتركيها ترتاح لحتى تجهزي الحشو.

تجهيز الحشوة:

• في محضرة الطعام بتفرمي البصل والتوم والبندورة لحتى يصيروا ناعمين
• بتحطيهم بوعاء وبتضيفي اللحمة وجميع المكونات المذكورة فوق
• بتحطي صاجة تيفال على راس الغاز او مقلاة تيفال .بترقي كرة من العجين بشكل دائري حتى تصبح رقيقة نوعا ما
• بتحطيها ع الصاجة بحرارة متوسطة وبتفردي معلقتين كبيرتين من الخلطة فوق العجينة
• مجرد ما تحمر العجينة من تحت بترفعيها وبتحطيها على صينية وبتحطيها بالفرن تحت الشواية لحتى تستوي وهكذا حتى نفاذ الكمية والف صحة وهنا
• تقدم مع التبولة او السلطة الخضرا او اللبن

#صفيحة عالصاجة  ام نضال