مساء الخير لاحلى جروب اليوم عملت فخدة خروف مشوية مع رز مبهر وملوخية خضرا
المكونات فخدة خروف او كتف خروف زي ما بتحبوا ٤ كاسات ارز بسمتي بهارات مشكلة قرنفل عيدان ٤ حبات جزر راسين بصل شرايح ٤ فصوص توم كمشة حب هيل او مطحون فلفل اسود زنجبيل مطحون او طازج اوراق غار اوراق اكليل الجبل ملح حسب الرغبة لوز للزينة
الطريقة
الطريقة بتغسلي الفخدة وتفركيها بالملح والخل والليمون بتنقعيها ساعة بخل وملح ومي
بعدها بتشيليها وتحطيها بصينية وتحطي معها كل المطيبات والبهارات والبصل والجزر والتوم
تحطي غمرتها مي مغليه وتغطيها بالقصدير وتحطيها بالفرن على حرارة ١٨٠ لمدة ٤ ساعات .
وكل ساعة بتشوفيها اذا ناقصة مي بتزيدها لانه بدنا المرقة تبعتها
بعد ما تستوي بتصفي المرقة تبعتها وبترجعيها عالفرن وبتخليها مكشوفة خمس دقايق حتى تحمر لانها بتكون بلشت تحمر لوحدها وما تشغلي الشواية عليها حتى ما تنشف .
بتفلفلي الرز بالمرقة وما بتضيفي عليه غير رشة ملح وشوية كركم لانه كل البهارات والدسم موجود بالمرقة
بس يستوي الرز تفرديه بسدر التقديم وتحطي الفخدة عليه وتزينيه بالجزر اللي حطيناه مع اللحمة وبترشي عليه لوز بس انا احمروا كتير اللوزات نسيتهم ..
ويقدم مع السلطة واللبن وعملت شوية ملوخية خضرا وعادة بفرم الملوخية الخضرا على ايدي بس لاني مستعجلة فرمتها ع المحضرة وطلعت بتشهي
