انا اتبعت الطريقة التقليدية والقديمة بعمل الكعك اللي هي ، كل 3 كيلو سميد بدهم كيلو سمنة او زبدة وكاسة زيت ذرة
انا عملت ٢ كيلو سميد وكيلو طحين وحطيت عليهم كيلو زبدة وكاسة سمنة وبهارات الكعك او دقة الكعك .وحطيت مستكة مطحونة معلقتين وحطيت محلب مطحون معلقتين وكاسة سكر مطحون ومعلقة بيكنج باودر ومعلقتين يانسون مطحون وبسيتهم بروس الاصابع لحتى تجانسوا تماما
وغطيتهم وتركتهم 12ساعة .
ولما اجيت اشتغل فيهم غليت يانسون وذوبت فيه نص كاسة حليب جاف . . وبتعجني العجينة باليانسون المذوب فيه الحليب وبطريقة البس لحتى تحصلي على عجينة طرية سهلة التشكيل وبتبلشي تقطعي العجينة لكرات صغيرة وتحشيها قسم تمر او جوز او فستق حلبي. .حسب الرغبة طبعا
وبترصيهم بالقالب المخصص او بتعمليهم كعك اساور وبتنقشيهم بالملقط ،
وبتصفيهم بصواني وبتشويهم بالفرن على حرارة ١٨٠
وبس يبردو بترشي عليهم سكر مطحون حسب الرغبة وصحة وهنا
